डोटी प्रदेश सभा सांसद खड्का बिरुद्ध सपथ ग्रहण नगरेको भन्दै उजुरी

सपथ ग्रहण नगरेको भन्दै डोटीमा प्रदेश सभा सासंद भरत वहादुर खड्का विरुद्ध राष्ट्रिय सभा निर्वाचनका लागि गठन भएको निर्वाचन अधिकृतको कार्यालयमा उजुरी परेको छ ।
राष्ट्रीय सभा निर्वाचन प्रदेश नम्वर ७ को डोटीमा रहेको निर्वाचन अधिकृतको कार्यालयमा खड्का विरुद्ध उजुरी परेको हो ।

डोटीकै स्थानीय बासीन्दा विष्णा सिंहले खड्काले सपथ ग्रहण नगरेकाले मतदाता नामावलीबाटै नाम हटाईनुपर्ने माग गर्दै उजुरी दिएको निर्वाचन अधिकृत जयानन्द पनेरुले जानकारी दिनुभयो । निर्वाचन अधिकृतको कार्यालयले सोमवार उजुरी सुचि प्रकाशीत गर्दै खड्का विरुद्ध सपथ ग्रहण नगरेकाले उजुरी परेको उल्लेख गरेको छ । खड्का छोरीको बिबाह भएका कारण आईतवार धनगढीमा भएको सपथ समारोहमा उपस्थीत भएका थिएनन् ।

उजुरी सार्वजनीक गर्दै निर्वाचन अधिकृतको कार्यालयले मंगलवार दिउसो ३ बजे सम्म उजुरी खण्डन गर्न आवश्यक प्रमाण पेश गर्न खडकालाई आग्रह गरेको छ । मंगलवार ३ बजे सम्म प्राप्त प्रमाण अनुसार कारवाहीको प्रक्रिया अगाडी बढ्ने निर्वाचन अधिकृत पनेरुले जानकारी दिनुभयो । उहाँले यस्तै उजुरी कास्कीमा राजीव गुरुङ उर्फ दिपक मनाङे विरुद्ध पनि परेकाले निर्वाचन आयोगले दुवै उजुरी हेरीरहेको जानकारी दिनुभयो ।