SudurNews

चितवन, वैशाख ११ नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टी एकीकरण गर्ने मिति वैशाख १४ गते तोकिने बताएका छन । आज चितवनको भरतपुरमा पत्रकारहरुसँग कुरा गर्दै अध्यक्ष प्रचण्डले पार्टी एकताका विषयमा केही जटिलता नभएको तर समय अभावले केही पर सरेको बताएका हुन । वैशाख १४ गते भित्र सबै समझदारी भइसक्ने र लगत्तै पार्टी एकीकरण हुने बताउँदै उनले दुई अध्यक्षको व्यस्तताले ढिला भएको बताए । समय निकालेर छिट्टै टुंगोमा पुगिने उनको भनाई छ । केही दिन ढिलाई हुँदैमा केही समस्या नहुने बताउँदै अध्यक्ष प्रचण्डले पार्टी एकीकरणपछि पछुताउनु भन्दा एकताअघि नै समय लिनु राम्रो भएको बताए । वैशाख महिनाभित्रै पार्टी एकीकरण हुने उनले बताए ।

काठमाडौँ, वैशाख ८ गते । वैशाख महिनाभित्र दुई वाम दलको पार्टी एकता घोषणा गर्ने गरी दुईवटा कार्यदलले बुझाएको प्रतिवेदनमाथि केन्द्रित भएर दुवै दलका अध्यक्षबीच शुक्रबार पनि सघन र सकारात्मक वार्ता भएको छ । ललितपुरको जावलाखेलस्थित एक कार्यकर्ताको निवासमा भएको करिब दुई घन्टा लामो छलफल र संवादमा कार्यदलले बुझाएको प्रतिवेदनमा सहमति नभएका विषयमा केन्द्रित भएर छलफल भएको नेकपा (एमाले)का अध्यक्ष एवं प्रधानमन्त्री केपी शर्मा ओलीको सचिवालयले जानकारी गराएको छ । कार्यदलले बुझाएको प्रतिवेदनमा माओवादी केन्द्रले ‘जनयुद्ध’ शब्दलाई विधानको प्रस्तावनामा राख्नुपर्ने भनेको छ । त्यस्तै एमालेले राखेको प्रस्तावअनुसार दलको चुनाव चिह्न सूर्यको विषयमा केन्द्रको सहमति खोजिरहेको छ । सोहीअनुसार कार्यदलले प्रस्ताव गरेको १० वटा पार्टी कमिटीमा बराबर सङ्ख्याको हैसियत माओवादी केन्द्रले खोजेको छ । त्यस विषयलाई एमालेले स्वीकार गरेको छैन । प्रमुख यी तीन विषयलाई मिलाउने जिम्मा कार्यदलले दुई अध्यक्षलाई दिएको छ । सोहीअनुसार एमाले अध्यक्ष तथा प्रधानमन्त्री ओली र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच नियमित ...

धनगढी। नेकपा एमालेका उपाध्यक्ष भीम रावलले नेकपा एमाले र नेकपा माओवादी केन्द्रबीच पार्टी एकता छिट्टै हुने बताएका छन्। पार्टी एकीकरणको लागि आन्तरिम विधान तयार भएको बताउँदै उनले छिट्टै एकीकरणको प्रक्रिया टुंगिने बताए। शनिबार गेटा विमान स्थलमा आयोजित पत्रकार सम्मेलनमा बोल्दै उनले पार्टी एकतामा कुनै अवरोध नभएको बताए। संविधानमा देखिएको मत भेद अन्त्यको लागि संघीय समाजवादी फोरम र राष्ट्रिय जनता पार्टीसँग सरकारले सहकार्य गर्न खोजेको पनि उनले स्पष्ट पारे। अझैपनि संविधानमा देखिएको केहि मतभेद अन्त्यको लागि सहकार्य गर्न खोजेको तर त्यसको अर्थ सरकारमा बहुमत र्पुयाउन लाई नभएको बताए।

काठमाडौँ, चैत ११ गते । नेकपा (माओवादी केन्द्र)ले एमालेसँग जारी पार्टी एकीकरण प्रक्रिया छिट्टै टुङ्गयाउन प्रस्ताव गरेको छ । माओवादीको शनिबार बसेको बैठकले प्रधानमन्त्री केपी ओलीको भारत भ्रमणअघि नै पार्टी एकता टुङ्गयाउन प्रस्ताव गरेको माओवादी नेता विश्वनाथ साहले जानकारी दिनुभयो । प्रधानमन्त्री ओलीले चैत २३ देखि भारत भ्रमण गर्ने तयारी गर्नुभएकाले त्यसअघि नै पार्टी एकता घोषणा गर्न प्रस्ताव गरेको नेता साहले बताउनुभयो। यस अघि नेकपा (एमाले) र माओवादी केन्द्रबीच वैशाख १० गते पार्टी एकीकरणको घोषणा गर्ने सहमति भएको थियो । यही सहमतिका आधारमा अहिले दुवै पार्टीले एकीकरणका लागि गृहकार्य अन्तिम चरणमा समेत पुऱ्याएका छन् । एकता प्रक्रियालाई अघि बढाउन गठन गरिएका दुई कार्यदलले आ–आफ्नो प्रतिवेदन तयार गरिरहेका छन् । दुवै कार्यदलले १० दिनभित्र प्रतिवेदन दिने बताइएको छ । प्रतिवेदन आएपछि त्यसलाई अन्तिम रूप दिएर पार्टी घोषणा हुने साहले बताउनुभयो । जिम्मेवारी हेरफेर माओवादी केन्द्रले पार्टीभित्र जिम्मेवारी पनि हेरफेर पनि गरेको छ । विभिन्न प्रदेशका इन्चार्ज रहनुभएका नेताहरू मन्त्री भएपछि उहाँको ठाउँमा अर्कालाई ...

एमाले र माओवादी एकीकरणनजिक पुगेका छन् दुवै पार्टीका नेताहरूले छलफल सकारात्मक निष्कर्षमा पुगेको जानकारी दिँदै दुई दिनभित्रै एकता संयोजन समितिको बैठकमा छलफल भएपछि एकताको मोडालिटी सार्वजनिक हुने बताएका छन् सरकार गठनअघि नै पार्टी एकता भएमा ओली गठबन्धन होइन, बहुमत प्राप्त दलको नेताका रूपमा प्रधानमन्त्री हुनेछन् । एकीकृत पार्टीका रूपमा उनीसँग १७४ सांसदको समर्थन हुनेछ । बहुमतका लागि जम्मा १३८ सांसद आवश्यक हुन्छ । त्यसैले, एकीकृत पार्टीको नाम नेपाल कम्युनिस्ट पार्टी राखेर निर्वाचन आयोग जाने र सरकार गठनका लागि राष्ट्रपतिसमक्ष दाबी गर्ने तयारी छ । ‘एकीकृत पार्टीबाटै सरकार गठन गर्ने गरी मंगलबार अन्तिम छलफल हुँदै छ, अन्तिम टुंगो एकता संयोजन समितिबाट लागेपछि ओली संविधानको धारा ७६ को उपधारा १ अनुसार बहुमत प्राप्त संसदीय दलको नेताका रूपमा प्रधानमन्त्रीमा सर्वसम्मत चयन हुने सम्भावना बढ्दै गएको छ,’ उच्च स्रोतले भन्यो । एमाले अध्यक्ष ओली र माओवादी केन्द्रका अध्यक्ष प्रचण्डबीच मंगलबार बिहान पुनः एक चरण छलफल हुने भएको छ । त्यसलगत्तै एमाले स्थायी समिति र माओवादी केन्द्रले सचिवालय बैठकबाट दुई नेताको पछिल्लो...

नेकपा माओवादी केन्द्रका एकजना नेताले प्रधानमन्त्री वा एकीकृत पार्टीको अध्यक्ष नपाए नेकपा एमालेसँगको एकता असम्भव भएको बताएका छन्। एमाले अध्यक्ष केपी ओलीसँगको छलफलपछि आइतवार चितवन पुगेका माओवादी अध्यक्ष प्रचण्डसँग कुराकानी गरेका सचिवालय सदस्य नारायण दाहालले एउटा पद पनि छाड्न एमाले अनिच्छुक देखिएको जनाएका छन्। अघिल्लो शनिवार चितवनमा 'केही दिनभित्रै एकताबारे निर्णायक कुरा गर्ने' बताएका प्रचण्ड ओलीसँगको वार्तापछि चितवन पुग्दा उनीसँग सुनाउने कुनै निर्णायक सन्देश थिएन। ओलीसँगको भेटबारे प्रचण्डसित कुराकानी गरेपछि नेता दाहालले बीबीसीसँग भने, "एकताको गति अघि बढेको तर त्यसले समात्नु पर्ने गति नपकडिएको उहाँले बताउनुभयो।" 'एमालेलाई गाह्रो' प्रचण्डले 'पार्टी एकता रोक्ने र वाम गठबन्धन तोड्ने ठूलै षड्यन्त्र भइरहेको' विगतको धारणा पुन: दोहर्‍याएका छन्। कतिपयले त्यसलाई एमालेले प्रधानमन्त्री वा अध्यक्ष कुनै छाड्न नमानेपछिको प्रचण्डको असन्तुष्टिको संकेत ठानेका छन्। त्यसबारे सचिवालय सदस्य दाहालको भनाइ थियो, "करिब-करिब त्यस्तो देखिन्छ। एमाले नेतृत्वले गाह्रो मानेको देखि...

धनगढी २१ माघ, मुख्यमन्त्रीको विषयलाई लिएर माओवादी केन्द्रभित्र खैलाबैला मच्चिएको छ। एमालेसँग बार्गेनिङ गरेर बल्लबल्ल दुई प्रदेशको मुख्यमन्त्री पाएको माकेभित्र किचलो पैदा भएको छ । प्रदेश नम्बर ७ ले मुख्यमन्त्रीको लागि डोटी ख बाट निर्वाचित त्रिलोचन भट्टलाई सिफारिस गरेसँगै प्रदेश पार्टी दुई सूहमा विभाजन भएको छ । प्रदेश इन्चार्ज लेखराज भट्ट र संयोजक लक्ष्मणदत्त जोशीले एकलौटी रुपमा त्रिलोचना भट्टलाई सिफारिस गरेको भन्दै मुख्यमन्त्रीका दाबेदार वीरमान चौधरी र मानबहादुर धामीले आपत्ति जनाएका छन् । उनीहरुले इन्चार्ज र संयोजकले पार्टीको लेटरप्याडको दुरुपयोग गरेको आरोप समेत लगाएका छन् । पूर्व जनमुक्ति सेनाका कमाण्डर समेत रहेका धामी दार्चुला र चौधरी कैलाली प्रदेशसभा सदस्यमा निर्वाचित भएका थिए । चुनावी अभियानको क्रममा माओवादी केन्द्रले कैलाली र कञ्चनपुरमा थारुलाई मुख्यमन्त्री दिने बताएको तर अहिले धोका दिएको स्थानीय थारु नेताहरुले बताएका छन् । त्यसैगरी दार्चुलालाई पनि मुख्यमन्त्रीको आवश्वासन दिइएको थियो । पार्टीमा कुनै छलफल नै नगरी इन्चार्ज र संयोजकले मुख्यमन्त्री केन्द्रमा सिफारिस गरिएको चौधरीले बताए...

अछाम : नेपाली कांग्रेस र नेकपा माओवादी केन्द्र अछामले चौरपाटी गाउँपालिका ४ पायल स्थित बैजनाथ मतदान केन्द्रको मतदान प्रक्रिया खारेजीको माग गरेका छन् । एमाले उपाध्यक्ष भिम रावलको निर्देशन र एमाले जिल्ला अध्यक्ष शेरबहादुर कुवरको प्रत्यक्ष नेतृत्वमा सुरक्षाकर्मी रमतदान अधिकृतको संलग्नतामा अरु पाटीका प्रतिनिधि र मतदातालाई लखेटी एकलौटी रुपमा गरिएको मतदान प्रक्रिया खारेजीको माग गरेका हुन् । कांग्रेस सचिव नमबहादुर शाही र माओबादी केन्द्रका संयोजक झपट साँउदले संयुक्त विज्ञप्ति प्रकाशित गरि आफुहरुको सहभागिता नरहेको मतदान प्रक्रिया खारेजी गरि सत्यतथ्य छानबिनको माग गरेका छन् । पुनः मतदान प्रक्रिया अघि नबढाएसम्म चौरपाटी गाउपालिकाका कुनै पनि वडाको मतगणना अघि बढाउन नदिने विज्ञप्तिमा उल्लेख छ । मतदानका क्रममा प्रेस पासको दुरुपयोग गर्दै एमाले समर्थित पत्रकारले अरुको नाममा पनि मतदान गरेको भन्दै दुई पाटीका उम्मेदवारले मतदान अधिकृतलाई मतदान स्थगित गर्न बुधबार ११ बजे नै निवेदन दिएका थिए । आफुहरुलाई बिहानै देखि मतदान स्थलबाट लखेटेर एकलौटी रुपमा मतदान सम्पन्न गराएको दुई पाटीको आरोप छ । पायल एमाले जिल्ला अध्यक...