SudurNews

धनगढी, बैशाख ८। प्रहरीले धनगढी उपमहानगरपालिका वडा नम्बर ३ प्रकृतिनगरम बाट लागु औषध चरेश सहित २ जनालाई पक्राउ गरेको छ। प्रकृतिनगरमा पसल सञ्चालन गरीबस्ने ३५ बर्षका प्रजापति पन्त र वडा नम्बर ४ का रामसिह धामिलाई शनिवार बिहान प्रहरीले पक्राउ गरेको हो। जिल्ला प्रहरी कार्यालय कैलालीबाट खटिएको प्रहरी टोलिले पन्तको पसलबाट खरीदबिक्रि भईरहेको अवस्थामा ३ किलो ४ सय ग्राम लागु औषध चरेश सहित पक्राउ गरेको जिल्ला प्रहरी कार्यालय कैलालीले जनाएको छ। थप अनुसन्धान भईरहेको प्रहरीले जनाएको छ।

ध्ननगढी, वैशाख ५ लागु औषध नियन्त्रण ब्यूरो, शाखा कार्यालय महेन्द्रनगरले एक किलो ५ सय ग्राम चरेस सहित एक ७४ वर्षीय वृद्धलाई पक्राउ गरेको छ । मंगलवार साँझ भीमदत्तनगरपालिका–४ बसपार्क क्षेत्रबाट बझाङ छविस पाथीभरा गाउँपालिका–४, कडेलका चन्द्रदेव जोशीलाई व्यूरोको टोलीले चरेस सहित पक्राउ गरेको हो । पक्राउ गरेका जोशीलाई हिरासतमा राखी अनुसन्धानको कार्य भइरहेको जिल्ला प्रहरी कार्यालय कञ्चनपुरका प्रहरी नायब उपरीक्षक ज्ञानबहादुर सेटीले बताए ।

अत्तरिया चैत २६। लागू औसध चरेस सहित कैलालिको अत्तरिया बाट प्रहरीले सोमबार साझ दुई जना महिला लाई पक्राउ गरेको छ। अत्तरिया बजारको पुर्वी रोडमा खोका पसल सञ्चालन गर्ने सुनिता गुरुङ र अमृता बिष्ट लाई चरेश सहित पक्राउ गरेको हो। इलाका प्रहरी कार्यालय मालाखेतिको टोलिले पसलमा चरेस बिक्रि गरिरहेको अबस्थामा सुनिताको साथ बाट एक सय ग्राम र अमृताको साथ बाट २ सय ८० ग्राम चरेसको पुडिया सहित पक्राउ गरेको हो । पक्राउ परेका दुबै जना लाई जिल्ला प्रहरी कार्यालय कैलाली पठाइएको इलाका प्रहरी कार्यालय मालाखेतीका प्रमुख प्रहरी निरीक्षक हिक्मत बहादुर बोहराले बताए।

मलेखु, धादिङ, चैत २३ गते । प्रतिबन्धित लागूऔषध चरेश लुकाइछिपाइ काठमाडौँबाट वीरगञ्जतर्फ लैजाँदै गरेको अवस्थामा आज बिहान प्रहरीले बरामद गरी एकजनालाई पक्राउ गरेको छ । प्रहरीले एच आर ५५ एक्स २५४९ नं को भारतीय कण्टेनर गाडीमा १६० किलोग्राम ५०० ग्राम लागूऔषध चरेशसहित बरामद गरेको छ । चरेशसँगै गाडी चालक भारत मणिपुर निवासी २४ वर्षीय शचिकान्त कुशवाहलाई पक्राउ गरी हिरासतमा लिएर थप अनुसन्धान शुरु गरिएको जिल्ला प्रहरी कार्यालयका प्रहरी नायब उपरीक्षक रामबहादुर केसीले जानकारी दिनुभयो । लुकाइछिपाइ भारत निकासी गर्न लागिएको सो लागूऔषध जिल्ला प्रहरी कार्यालय र इलाका प्रहरी कार्यालय, गजुरीको संयुक्त प्रहरी टोलीले बरामद गरेको हो ।

धनगढी,५ चैत । कैलालीको अत्तरियाबाट ३ किलो लागू औषध चरेस सहित २ जनालाई प्रहरीले पक्राउ गरेको छ । प्रदेश प्रहरी कार्यालय मातहतको क्षेत्रीय अनुसन्धान समूहको टोलीले अत्तरिया बसपार्कबाट लागू औषध बिक्री गर्ने र किन्नेलाई पक्राउ गरेको हो । लागू औषध चरेस बिक्री गर्न लागेका बाजुरा गौमुल गाउँपालिका–३, पाते बस्ने २१ वर्षीय भबिन्द्र धामी र खरिद गर्ने कैलालीको गोदावरी नगरपालिका–२, बस्ने ४८ वर्षीया भीमा थापालाई ३ किलो लागू औषधसहित पक्राउ गरिएको क्षेत्रीय अनुसन्धान समूहका प्रहरी सहायक निरिक्षक केशब जोशीले जानकारी दिए । बरामद चरेस र पक्राउ परेकाहरुलाई थप कारबाहीका लागि अत्तरियास्थित ईलाका प्रहरी कार्यालयलाई बुझाइएको क्षेत्रीय अनुसन्धान समूहले जनाएको छ । देश नं ७ को उपक्षेत्रीय अस्पताल डडेल्धुराले फिजियो थेरापी तथा अत्याधुनीक ल्याब सेवा बिस्तार गरेसँगै बिरामीलाई सहज भएको छ ।