एसईई परिक्षा आजदेखि, प्रदेश ७ बाट ५५ हजार छात्रछात्रा सहभागी हुँदै
धनगढी, चैत्र । आजदेखि एसईई परिक्षा सुरु भएको छ। आजदेखि सुरु भएको विद्यालय शिक्षा परीक्षा (एसईई) मा प्रदेश ७ बाट ५५ हजार ३ सय ३ जना विद्यार्थीहरु सहभागी हुने भएका छन। साधारण विद्यालयका ५० हजार २२१ र प्राबिधिक विद्यालयका ९९६ गरी ५१ हजार २०७ जना विद्यार्थी नियमिततर्फ एसईईमा सहभागी हुँदैछन् । यस्तै एक्जाम्टेडतर्फ चार हजार ८६ विद्यार्थी सहभागी हुने भएका छन । एक हजार ४९ विद्यालयमा अध्ययनरत विद्यार्थीले यस वर्षको एसईईमा सहभागिता जनाउने छन् । प्रदेश ७ का नौ जिल्लाहरुमध्ये सबैभन्दा बढी १६ हजार ९२ विद्यार्थी कैलाली जिल्लाबाट सहभागी हुनेछन् । यस्तै सबैभन्दा कम विद्यार्थी बाजुराबाट सहभागी हुने छन् । १५ केन्द्रमा परीक्षा हुने उक्त जिल्लामा नियमिततर्फ साधारण शिक्षा दुई हजार ९०७ र प्राबिधिक शिक्षा ४८ गरी दुई हजार ९५५ र एक्ज्याम्टेडतर्फ ३३८ गरी तीन हजार २९३ विद्यार्थी सहभागी हुनेछन् ।